TAN-AWA : USA KA MOTORISTA, PATAY HUMAN MADOMBOLI SA USA KA CLOSE VAN DIDTO SA PILAR, BOHOL
Usa ka grabeng insidente ang nahitabo kagahapon adlawng huwebes petsa 14 ning bulan sa Disyembre didto sa Nasudnong dalan sa Lungsod sa Pilar Bohol duul mismo sa Pilar Municipal Hall, human usa ka motorista ang namatay human kini madombuli sa usa ka Close van nga gipanagiyahan sa Angels Burger. Nahitabo kini pasado alas 4:41 sa kahaponon.
Giila ang biktima nga si Rex Badlisan 41 anyos taga Purok 4, La Hacienda Alicia, Bohol samtang ang Driver sa Close Van, giilang usab nga si Catalino Baldapan, 35 anyos lumolopyo sa Barangay Liboron Catigbian, Bohol.
Base sa Imbestigasyon nga gibutyag sa Kapulisan sa Pilar atol sa eksclusibong pakig hinabi sa DYTR Tinood nga Radyo, Nagsunod kining duha ka sakyanan paingon sa direksyon sa Tagbilaran, diin nag-una ang motorista samtang gisundan kini sa Close Van. Dugang pa sa taho nga kusug ang dagan sa parihong sakyanan, sa dihang nikalit og minor ang motoristang biktima hinungdan nga na banggaan kini og nilagpot.
Dead-on-the-Spot ang biktima human kini makaangkun og grabeng kadaot sa kalawasan, gibutyag usab sa Police investigator sa pilar nga ang biktima adunay sul-ot nga helmet apan namatay gihapon kini tungod sa kakusog sa pagkalagpot.
Gibutyag usab sa driver sa maong close van nga wala na niya ma control ang iyang unit gimikan kay hadool na kini sa motorista.
Ang driver sa close van anaa na karon sa kostodiya sa kapulisan sa Pilar og mag atubang kinig kasong Reckless Imprudence Resulting in Homicide and Damage to Property via Jomer Pequit DYTR
The Pulse of Washington D.C.
